“Bunyodkor” futbolchisi Diyor Rahimqulov 11-dekabr kuni avtohalokat oqibatida vafot etdi. Bu haqida “Bunyodkor” klubi matbuot xizmati ma’lum qildi.
19 yoshli Diyor Rahimqulov 2021-yilgi mavsumda “Andijon” klubida ijara asosida to‘p surgandi. Uning transfer huquqi “Bunyodkor”ga tegishli. Diyor Toshkent jamoasi tarbiyalanuvchisi hisoblanadi.
Futbolchi andijonliklar safida 24 ta o‘yinda maydonga tushib, o‘z hisobiga bitta gol yozdirib qo‘ygan.
Avvalroq, Belarus terma jamoasi sobiq futbolchisi Denis Kovba koronavirus oqibatida dunyodan ko‘z yumgani, “Qamashi” futbol klubi yarim himoyachisi Asadbek To‘rayev cho‘kib ketgani, OKMK futzal jamoasi o‘yinchisi Timur Berdiyev avtohalokatga uchrab vafot etgani haqida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)