Serial va filmlarda inglizcha gapirganiga qaramay, aksariyat mashhurlarning ona tilisi b oshqa bo‘lishi, inglizcha gapirganda esa aksentidan bilinishi mumkin. AdMe ingliz tilida muloqot qilish uchun ter to‘kishiga to‘g‘ri kelgan yulduzlar haqida ma’lumot berib o‘tadi.

Nikolay Koster-Valdau

Foto: AdMe

“Taxtlar o‘yini”da Jeym Lannister roli bilan yaxshi tanish bo‘lgan Nikolay Daniyaning Rudkebing shahrida dunyoga kelgan. Dan tilida gaplashib katta bo‘lgan aktyor tug‘ilib o‘sgan mamlakatidagi zamonaviy teatr maktabida o‘qigan va 1994-yildan kinoda suratga tusha boshlagan.

Gal Gadot

Foto: AdMe

“Mo‘jizakor ayol” yulduzi Gal Gadot Isroilning Pitax-Tikva shahrida dunyoga kelgan. Ivritcha gapirib tili chiqqan aktrisa superqahramon sifatida ekranda ko‘rinish berishdan avval 12 yil davomida raqs bilan shug‘ullangan. 2004-yilda “Isroil go‘zali” tanlovida g‘oliblikka erishgan Gal shundan keyin Gucci va Jaguar reklama kampaniyalarining yuzi bo‘lgan. Uchinchi sinfdan ingliz tilini o‘rganganiga qaramay, hali ham bu tilda aksent bilan gapiradi.

Mads Mikkelsen

Foto: AdMe

Kopengagenda dunyoga kelgan Mads aktyor bo‘lguniga qadar 10 yil davomida raqs bilan shug‘ullangan. Yoshligida esa gimnastika va yengil atletika bilan shug‘ullanishni kanda qilmagan. Ingliz va dan tilidan tashqari, aktyor shved tilini ham yaxshi biladi.

Anya Teylor-Joy

Foto: AdMe

Anya Mayamida dunyoga kelganiga qaramay, kelib chiqishi amerikalik emas. U tug‘ilgan vaqt ota-onasi Mayami sohillarida dam olayotgan bo‘lgan, xolos. Hayotining birinchi yillarini Argentinada kechirgan Anya oila a’zolari bilan o‘zaro ispancha gaplashadi. 6 yoshligida ota-onasi Londonga ko‘chishga qaror qilgan va shundan keyin Anya ingliz tilini o‘rganishni boshlagan.

Mila Kunis

Foto: AdMe

Ruschada Mila va uning oilasi o‘z ona tili sifatida suhbatlashadi. Chernovsida dunyoga kelgan qizning onasi fizika o‘qituvchisi, otasi esa mutaxassisligi mexanik bo‘lsa ham, taksi haydovchisi sifatida faoliyat olib borgan. Kunis 7 yoshga to‘lganida ota-onasi Los-Anjelesga ko‘chib o‘tishga qaror qilgan.

Natali Portman

Foto: AdMe

Kelib chiqishi isroillik bo‘lgan Natali oilasida o‘zaro ivrit tilida gaplashadi. Bolaligida shaharma-shahar ko‘chib yurgan ota-onasi oxiri Long-Aylendda to‘xtagan. Natali bolaligidanoq san’atga qiziqqan, balet va zamonaviy raqs bilan shug‘ullangan.

Diana Kryuger

Foto: AdMe

“Troya” filmidagi roli bilan yaxshi tanish bo‘lgan Diananing tili nemischada chiqqan. Bolaligida balerina bo‘lishni istagan Diana tizzasi jarohatlanganidan keyin ushbu orzusidan voz kechgan.

Arnold Shvarsenegger

Foto: AdMe

Avstriyaning Tal nomli kichik qishlog‘ida dunyoga kelgan Arnoldning tili ham nemischada chiqqan. Shu sabab bo‘lsa kerak, karyerasining boshida aktyorga boshqa odam ovoz bergan.

Nina Dobrev

Foto: AdMe

Nina Dobrev Bolgariya poytaxti Sofiyada dunyoga kelgan. Oilasi Torontoga ko‘chib o‘tganiga qaramay, 2 yashar Nina aynan bolgar tilida gaplasha boshlagan.

Sandra Bullok

Foto: AdMe

Vashingtonda dunyoga kelgan Sandra 12 yoshigacha Germaniya (Nyunberg)da keyin esa Avstriya (Vena)da yashagan. Yaqinlari bilan nemis tilida gaplashadigan aktrisa bolaligida qo‘shiq ijro qilish va balet bilan shug‘ullangan.

Melani Loran

Foto: AdMe

Asli parijlik bo‘lgan Melani ingliz tilini Kventin Tarantinoning “Sharafsiz vahshiylar” filmidagi rolga tasdiqlanganidan keyin o‘rgana boshlagan. Gap shundaki, sinov vaqtida u rejissorga ingliz tilida bemalol gaplasha olishini aytgan. Intervyulardan birida Loran til o‘rganish uchun serial tomosha qilganini ma’lum qilgan.