Dubay shayxi, investor va superkarlar kolleksioneri Humaid Abdulla Albuqaishning ayig‘i egasiga tegishli Lamborghini eshigini tortib uzib tashladi. Ushbu voqea aks etgan video bilan shayx o‘z Instagram sahifasida bo‘lishgan, deb yozadi “Korrespondent.net”
Rolikda narxi 274 million dollarni tashkil qiladigan Lamborghini Huracan Performante mashinasida o‘tirgan Albuqaish tashqarida turgan ayig‘iga olma uzatadi. Olmani olmoqchi bo‘lgan ayiq mashinaning yoniga kelib, ichkariga kirishga urinadi. Uning vaznini ko‘tara olmagan eshik mashinadan ajralib ketadi. Shayx Instagram sahifasiga ushbu videoni joylab, unga “Izohsiz” deb yozib qo‘ygan. Albuqaishning obunachilari soni 1,9 million bo‘lsa ham, video 92 ming marta tomosha qilingan.
Shayxning Instagram’idagi videolardan kelib chiqib, uning uyidagi hayvonot bog‘ida ayiqdan tashqari, yo‘lbars, she’r va boshqa hayvonlar borligini bilish mumkin.
Keyinroq Humaid sahifasiga yana bir boshqa video joylagan. Unda olmani yeyishga urinayotgan ayiq yonida shayxning ajralgan eshikni ushlab turganini ko‘rish mumkin.
Izoh (0)