Janubiy Koreya sobiq prezidenti Chon Du Xvan vafot etdi. Bu haqda Yonhap agentligiga tayanib, “Interfaks” xabar berdi.
Agentlik ma’lumotlariga ko‘ra, Chon Du Xvan Seul g‘arbidagi uyida 23-noyabr tongida surunkali kasalliklarga qarshi kurashib vafot etgan. Uning yoshi 90 da edi.
Sobiq armiya generali Chon Du Xvan 1979-yili prezident Pak Chon Xi o‘ldirilishi oqibatida sodir bo‘lgan davlat to‘ntarishi natijasida hokimiyatga kelgan. Chon Du Xvan mamlakatni 1988-yilga qadar boshqargan.
1996-yilda u davlatga xiyonatda ayblangan va umrbod qamoq jazosiga mahrum etilgan edi, ammo oradan bir yil o‘tgach afv etilgan.
Eslatib o‘tamiz, 2021-yilning oktabrida Janubiy Koreyaning sobiq prezidenti Ro De U 88 yoshida Seulda vafot etgandi.
Izoh (0)