Futzal bo‘yicha O‘zbekiston terma jamoasi dekabr oyida Qozog‘istonda o‘quv-mashg‘ulot yig‘ini o‘tkazadi. Bu haqda O‘FA matbuot xizmati ma’lum qildi.
O‘zbekiston milliy terma jamoasi 14–15-dekabr kunlari Qozog‘iston poytaxti Nursulton shahrida o‘quv-mashg‘ulot yig‘ini o‘tkazadi.
Ushbu yig‘in davomida o‘zbekistonlik futzalchilar Qozog‘iston terma jamoasi bilan 2 ta o‘rtoqlik uchrashuvida maydonga tushadi.
Qayd etish joiz, Litvada bo‘lib o‘tgan futzal bo‘yicha 2021-yilgi Jahon chempionatida O‘zbekiston terma jamoasi 1/8 final bosqichida Eronga mag‘lub bo‘lib, musobaqani erta tark etgan edi. Qozog‘iston terma jamoasi esa yarim finalga qadar yetib borgan. Final ostonasida Portugaliyaga yengilgan jamoa bronza medali uchun kechgan bahda Braziliyaga yutqazib qo‘ygandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)