O‘zbekiston va Qozog‘iston harbiylari 17—24-noyabr kunlari Surxondaryo viloyatidagi “Termiz” poligoniga harbiy mashg‘ulotlar o‘tkazadi. Bu haqda Qozog‘iston mudofaa vazirligi xabar qildi.
Qayd etilishicha, qo‘shma mashg‘ulotlardan maqsad harbiy vazifalarni hal qilish jarayonida ikki davlat kuchlarining o‘zaro muvofiqligi va darajasini oshirish hisoblanadi.
Ma’lum bo‘lishicha, Qozog‘iston tomonidan mashg‘ulotda 100 dan ortiq harbiy xizmatchi qatnashadi, ko‘p funksiyali Su-30SM qiruvchilari, C-295 harbiy-transport samolyotlari, taktik uchuvchisiz havo qurilmalaridan foydalaniladi.
Ta’kidlanishicha, qozog‘istonlik harbiylar mashg‘ulotlar paytida qidiruv-razvedka operatsiyasi, otryadlarini yo‘q qilish paytida jangovar gvardiya bo‘linmalarining harakatlarini ishlab chiqish, noqonuniy qurolli guruhlar tajovuzkorligi va bartaraf qilinishini akslantirish, yaradorlar va yaroqsiz texnikalarni jang maydonidan evakuatsiya qilishni amalga oshiradi.
Eslatib o‘tamiz, shu yilning avgust oyida O‘zbekiston harbiylari Rossiya va Tojikiston bilan mashg‘ulotlarda qatnashgandi. Harbiy mashqlar “Termiz” poligonida bo‘lib o‘tgan. O‘zbekiston, Tojikiston va Rossiya Afg‘oniston bilan chegarada o‘tkazgan harbiy mashg‘ulotlarda 2,5 mingdan ortiq harbiy qatnashgan. Mashqlar paytida Rossiya va O‘zbekiston maxsus kuchlari o‘zbek-afg‘on chegarasidagi shartli terrorchilarni yakson qilgandi.
Izoh (0)