Toshkentda soxta IIB xodimi qo‘lga olindi

Toshkent viloyatidan Bektemir YPX maskani orqali Toshkent shahriga kirib kelgan soxta IIB xodimi qo‘lga olindi. Bu haqda YHXBB matbuot xizmati xabar berdi.

Ma’lum qilinishicha, 5-noyabr kuni soat 20:00 da Spark’ni boshqarib kelayotgan IIO xizmat kiyimini kiyib olgan haydovchi to‘xtatilgan va o‘zaro muloqot davomida u o‘zining xatti-harakatlari bilan YPX xodimida shubha uyg‘otgan.

Tekshiruv natijasida 1996-yilda tug‘ilgan T.G‘. Ichki ishlar idoralarining hech qaysi tizimida xizmat qilmasligi aniqlangan. Mazkur holat yuzasidan tegishli hujjatlar rasmiylashtirilib, T.G‘. Bektemir tumani IIO FMBga topshirilgan.