O‘zbekiston Bosh vaziri Abdulla Aripov va Qirg‘iziston Vazirlar Mahkamasi raisi Oqilbek Japarovlar bilan uchrashuvda ikki davlatni qiziqtirgan masalalar muhokama qilindi. Bu haqda qo‘shni mamlakat Vazirlar Mahkamasi axborot xizmati xabar qildi.
Qayd etilishicha, uchrashuvda tomonlar Qirg‘izistondan O‘zbekistonga elektr energiyasi yetkazib berishni muhokama qilgan. Bundan tashqari, Turkmanistondan O‘zbekiston orqali elektr energiyasi va tabiiy gaz tranzitiga e’tibor qaratilgan.
Bundan tashqari, Xitoy—Qirg‘iziston—O‘zbekiston temiryo‘li, Irkeshtam—Daro‘o‘t-Qo‘rg‘on– Qizilqiya avtomobil yo‘li, Qizilqiya shahridagi savdo-logistika markazi va Qambarota-1 gidroelektr stansiyasi qurilishi masalalari yuzasidan fikr almashilgan.
Shuningdek, qishloq xo‘jaligi va sanoat sohalaridagi hamkorlik istiqbollari ham ko‘rib chiqilgan.
Eslatib o‘tamiz, Shavkat Mirziyoyev 6-avgust kuni Markaziy Osiyo davlatlari rahbarlarining Maslahat uchrashuvi doirasida Qirg‘iziston prezidenti Sadir Japarov bilan muzokara o‘tkazgandi. Unda Qambarota-1 gidroelektr stansiyasini birgalikda qurish masalalari ham ko‘rib chiqilgan. Shuningdek, Shavkat Mirziyoyev O‘zbekiston–Qirg‘iziston–Xitoy temiryo‘li strategik ahamiyatga ega ekani, uni qurish bo‘yicha muzokaralarni jadallashtirish muhimligini ta’kidlagan.
Izoh (0)