Oliy Majlis Senatining yangi binosida Prezidentlikka saylangan Shavkat Mirziyoyevning inauguratsiya marosimi bo‘lib o‘tdi. Prezident sifatida qasamyod qabul qilgan Shavkat Mirziyoyev O‘zbekiston Qurolli Kuchlari qudratini yanada oshirish ustuvor maqsad bo‘lib qolishini ta’kidlagan, deb xabar beradi “Daryo” muxbiri.
Davlat rahbari o‘z nutqida harbiy xizmatchilar va soha faxriylarini, ularning oila a’zolarini qo‘llab-quvvatlash, moddiy ta’minotini yanada yaxshilash, uy-joy bilan ta’minlash, farzandlarining zamonaviy bilim va kasb-hunarlarni egallashi uchun barcha zarur chora-tadbirlar ko‘rilishini ma’lum qilgan.
Eslatib o‘tamiz, noyabr boshida AQShdagi xususiy Global Firepower tashkiloti an’anaviy ravishda har yili e’lon qilinadigan dunyoning eng kuchli armiyalari ro‘yxatini e’lon qilgandi. Unga ko‘ra, O‘zbekiston armiyasi Markaziy Osiyoda eng kuchli deb topilgan.
Mavzuga doir: O‘zbekistonda davlatga yetkazilgan zarar uchun harbiy xizmatchilarning moddiy javobgarligi belgilandi
Izoh (0)