Eng foydali va to‘yimli quruq mevalar mayiz, o‘rik qoqisi, xurmo va olxo‘ridir. Bu haqda diyetolog Lyudmila Mikityuk “RIA Novosti”ga ma’lum qildi, deb yozadi “Korrespondent.net”.
Mutaxassisning so‘zlariga ko‘ra, ular yangi mevalarga qaraganda uch barobar ko‘p kletchatka, vitamin va minerallarga ega. Bundan tashqari, quruq mevalar tavsiya etilgan kunlik ozuqaviy moddalarning ko‘proq foizini tashkil etadi.
“Mayiz tarkibida juda ko‘p kaliy va B guruhi vitaminlari mavjud bo‘lib, ular qon bosimini pasaytirishga va organizmdagi yallig‘lanishni kamaytirishga yordam beradi. Olxo‘ri tabiiy surgi hisoblanadi. Shuningdek, u kaliy, kletchatka, A va K vitaminlariga boy. Bu yurak-qon tomir kasalliklarining yaxshi oldini olish va osteoporoz bilan kurashishda samaralidir”, – deydi Mikityuk.
Shuningdek, diyetolog xurmo antioksidantlar orasida temir, kaliy va kletchatkaga boy ekanligini ta’kidlagan.
Oo‘rik qoqisida kletchatka, kaliy, A va C vitaminlari mavjud. Ular ko‘z kasalliklarining oldini olish uchun foydalidir va A vitaminining kunlik qiymatining 47 foizini ta’minlay oladi.
Shu bilan birga, Mikityuk quruq mevalar butun mevaning kaloriya tarkibini saqlashini ham eslatib o‘tgan, shuning uchun ularni me’yoridan ortiq iste’mol qilmaslik kerak, aks holda bu vaznga ta’sir qiladi.
Izoh (0)