Kanada bosh vaziri Jastin Tryudo Vazirlar Mahkamasi tarkibini yangiladi. Bu haqda 27-oktabr kuni ABC News xabar berdi.
Xususan, Tashqi ishlar vazirligi va Mudofaa vazirligi boshqaruvi ayollarga — mos ravishda Melani Joli va Anita Anandga topshirilgan. Endilikda Tryudo hukumatining yarmini ayollar tashkil qilmoqda. O‘z navbatida, Xristya Friland bosh vazir o‘rinbosari va moliya vaziri lavozimlarini saqlab qoldi.
Bundan tashqari, Vazirlar Mahkamasida yangi lavozim – giyohvandlikka qarshi kurash va ruhiy salomatlik vaziri paydo bo‘ldi. Kerolayn Bennet ushbu lavozimni egalladi.
Tryudo hukumatida faqat o‘nta vazir o‘z o‘rnida qolmoqda. Vazirlar Mahkamasida hammasi bo‘lib 39 vazir, jumladan, Tryudoning o‘zi ham bor.
Nihoyat, Tryudo o‘z partiyasini Kanadadagi kelgusi saylovlarga olib borish niyatini e’lon qildi. Eslatib o‘tamiz, sentabr oyida Kanadada o‘tkazilgan muddatidan oldin saylovlarda Tryudo partiyasi g‘alaba qozongandi. Jastin Tryudoning Liberal partiyasi saylovlarda muxolifatchi konservatorlardan ko‘proq – 157 ta o‘rinni qo‘lga kiritdi. Tryudo saylovoldi tashviqotlari chog‘ida namoyishchilar tomonidan toshbo‘ron qilingandi.
Mavzuga doir:
- Livan prezidenti bosh vazir bilan yangi hukumat to‘g‘risida kelishib oldi. Mamlakat Bayrutdagi portlashdan keyingi ziddiyatlar tufayli bir yildan buyon hukumatsiz
- Peruda bosh vazir va hukumat almashtirildi
- Yaponiya hukumati to‘liq tarkibda iste’foga chiqdi
- “Tolibon” Afg‘oniston hukumatining yangi tarkibini e’lon qildi
Izoh (0)