Yulduzlardan kosmetik vositalar: biznesda omadi chopgan va buni uddalay olmagan mashhurlar (foto)

Ko‘plab mashhurlar o‘z kosmetika brendlariga asos solgan. Lekin ularning bir nechtasigina bu faoliyatini davom ettirishga muvaffaq bo‘lgan. Quyida daromadga erishgan yoki shunchaki pul sarflab, foyda ko‘ra olmagan yulduzlar bilan tanishib chiqish mumkin.

1994-yil Iman

Supermodel o‘zining Iman Cosmetics brendini 1994-yil ishga tushirdi va muvaffaqiyat qozondi: brendga tegishli rasmiy sayt orqali tonal krem, lab bo‘yog‘i va tenga buyurtma berish mumkin. Iman kosmetikalari hozirda ham bozorda o‘z o‘rniga ega.

2004-yil Jessika Simpson

Jessika o‘zining Dessert Beauty brendiga asos soldi, lekin bir necha yil o‘tgach, u o‘z-o‘zidan yo‘q bo‘lib ketdi. Inson ba’zida mag‘lubiyatga ham tayyor bo‘lishi kerak.

2005-yil Jennifer Eniston

Jennifer Eniston soch turmagi bo‘yicha mashhur Living Proof brendini trixolog Robert Langer bilan birgalikda ishga tushirgan, lekin brend 2016-yilda Unilever’ga sotilgan. Jenniferning hozirda ushbu mahsulot bilan aloqasi yo‘q.

2005-yil Sindi Krouford

Meaningful Beauty brendi mahsulotlari juda sifatli. Ushbu brendda terini parvarish qilish uchun yetti bosqichdan iborat shampun va sovun mahsulotlari bor.

2007-yil Jozi Moran

Jozi o‘z brendi Josie Maran Cosmetics’ni Sephora’ga sotgan va mazkur mahsulotlar hozirda ham ishlab chiqarilmoqda.

2008-yil Gvinet Peltrou

Goop brendi tobora ommalashib bormoqda. Brend terini parvarish qilish vositalaridan tortib hammom sharchalarigacha bo‘lgan mahsulotni o‘z ichiga oladi.

2009-yil Miranda Kerr

Kora Cosmetics Sephora’da yaxshi sotilayotgani bilan sobiq Victoria’s Secret modeliga munosib daromad keltirmoqda.

2010-yil Jizel Byundxen

Jizel 2010-yilda o‘zining Seeja brendi ostida kosmetik vositalarni chiqargan. Lekin faoliyat bir yilga ham bormagan.

2011-yil Salma Xayek

Aktrisa yaratgan Nuance brendi olti oy davomida faqat Amerika CVS tarmog‘ida sotilgan.

2012-yil Kardashyanlar oilasi

Kim, Xloi va Kortni Kardashyan 2012-yilda Khroma Beauty nomli kosmetika tarmog‘ini ishga tushirgan. Unda kosmetikadan tortib, teriga mo‘ljallangan mahsulotlargacha bor edi, lekin qonuniy litsenziyalash muammolari tufayli mahsulotlar do‘konlardan olib tashlangan.

2013-yil Dryu Berrimor

Dryu Berrimor Flower Beauty dorixonasi brendiga asos solgan va ishga tushirilgandan buyon ishlab chiqariladigan mahsulotlar turi kengaygan: hozirda bu brend ostida ular asosan soch turmaklash vositalarini sotmoqda.

Tayra Benks

Tyra Beauty brendi 3 yilgina faoliyat yuritdi, afsus.

Kayli Jenner

Bir qancha qiyinchiliklarga qaramay Kylie Cosmetics brendi bozorda yaxshi ish olib bormoqda.

2015-yil Jessika Alba

The Honest Co. brendi makiyaj va terini parvarish qilish mahsulotlarini arzon narxlarda sotuvga chiqargan va ular amerikalik yoshlar orasida juda mashhur.

2015-yil Yeva Mendes

Yeva o‘zining Circa Beauty brendini juda tez ishga tushirgan, lekin savdo juda kamligi tufayli 2016-yilda kompaniya yopilgan.

2017-yil Rianna

Ommaviy bozor uchun nisbatan yuqori narxlarga qaramay, Fenty Beauty juda yaxshi faoliyat olib bormoqda.

2019-yil Ledi Gaga

Qo‘shiqchi tomonidan asos solingan Haus Laboratories brendi bozorda darrov ommalashdi, AQShda ham juda mashhur.

2020-yil Venus Uilyams

Tennis malikasi 2020-yil  quyoshdan himoya qiluvchi ikkita kremni sotuvga chiqardi. Sportchining faoliyati muvaffaqiyatli davom etmoqda.