Huawei kompaniyasi tugmalar yoki mobil dastur yordamida issiqligini boshqarish mumkin bo‘lgan “aqlli” sharfni taqdim etdi, deb xabar beradi Hi-Tech.Mail.ru.
Fengmi nomini olgan sharf ichida uglerod nanotrubkachalaridan tayyorlangan plyonka, shuningdek, mayin flanel va izolyatsiyalovchi Sorona paxtasidan iborat qatlam mavjud. Sharfning o‘z sig‘imi 4000 mA/soat bo‘lgan 80 grammli portativ akkumulyatorga ulanadi va 5—6 soat ishlay oladi.
Isituvchi elementlar sharfni sanoqli soniyalarda Selsiy bo‘yicha 30 dan 53 darajagacha isitish imkonini beradi, shuningdek, haroratning bir maromda bo‘lishini ta’minlaydi.
Eng muhimi — foydalanuvchilar sharfni yuvish vaqtida uning ichidan isituvchi elementlarni chiqarib olishi shart emas. Hatto termoregulyator va USB’ni ham kir yuvish mashinasida yuvsa bo‘ladi. Fengmi’ga bu orqali hech qanday zarar yetmaydi.
Hozircha faqat Xitoyda sotuvga chiqqan sharfning narxi 46,5 dollarni tashkil etadi.
Avvalroq shveysariyalik olimlar antivirus jinsilarni yaratgani, Pensilvaniyada o‘z-o‘zini qayta tiklashga qodir kiyim ishlab chiqarilgani to‘g‘risida xabar berilgandi.
Mavzuga doir: Fotogalereya: Insoniyatni kutayotgan “aqlli” kiyimlar
Izoh (0)