Navoiy viloyati Konimex tumanida 33 yoshli erkak o‘zini poyezd ostiga tashlab, joniga qasd qildi. Bu haqda “Sevimli” telekanalining “Zamon” informatsion dasturida ma’lum qilindi.
Ma’lum qilinishicha, 27-sentabr kuni soat 06:50 larda tumanning “Sho‘rtepa” MFYda yashovchi 1988-yilda tug‘ilgan fuqaro uyidan ishga ketayotganini aytib, chiqib ketgan va harakatlanib kelayotgan poyezd ostiga o‘zini tashlagan.
Navoiy kon-metallurgiya kombinatida ishchi bo‘lib ishlagan marhum fuqaroning uch nafar farzandi bo‘lib, u halokat yuz berishidan oldin akasiga qo‘ng‘iroq qilib, bolalarini omonat topshirgan.
Mazkur holat bo‘yicha mahalla fuqarolari bilan o‘tkazilgan muhokamada marhumning o‘z joniga qasd qilishigacha olib boruvchi sabab yo‘q bo‘lgani aytib o‘tilgan.
Ta’kidlanishicha, holat yuzasidan viloyat prokuraturasi va IIB tomonidan tekshiruv ishlari olib borilmoqda.
Avvalroq Qashqadaryoda qaynotasi bilan tortishib qolgan kelin o‘zi va ikki farzandini poyezd tagiga tashlab, vafot etgani, Navoiyda 31 yoshli ayol o‘zi va uch nafar qizining joniga suiqasd qilgani to‘g‘risida xabar berilgandi.
Izoh (0)