O‘zbekistonning amaldagi prezidenti, O‘zLiDePdan prezidentlikka nomzod Shavkat Mirziyoyev surxondaryolik saylovchilar bilan uchrashuv chog‘ida ta’lim tizimiga to‘xtalib o‘tdi, deb xabar beradi “Gazeta.uz”.
“Xirurgiya kafedrasi mudiri menga aytyapti, ‘janob prezident, 3 yil oldin 1 million 200 ming so‘m oylik olardim, hozir men 20 million olyapman. Men o‘zimni olim, deb sezyapman, olim’, — dedi u… Diplom kerak emas hozir, diplom mutlaqo kerak emas. Kasb kerak, bilim kerak. Surxondaryoga kerak bo‘ladigan yo‘nalishlar kerak.
Ana shunda biz, Xudo nasib qilsa, besh yildan keyin Surxondaryoning boshqacha joylarida uchrashamiz...”, — deydi Shavkat Mirziyoyev.
Prezident insofi bo‘lgan odam islohotlarga o‘zi baho berishini ta’kidlagan.
“Agar insofi bo‘lsa, Xudodan umidi bo‘lsa, insofi bo‘lsa, qildi-ku, qilsa bo‘lar ekan-ku, kelajakda ham qilar ekan-ku va bizning liberal demokratik partiyamiz qiladi, degan ishonch bo‘lishi kerak hammada”, — deya qo‘shimcha qiladi Shavkat Mirziyoyev.
Avvalroq Shavkat Mirziyoyev Sirdaryo Mega Luks qo‘shma korxonasi faoliyati bilan tanishgani, davlat rahbari Gulistondagi “Yangi hayot” mahallasida qurilgan yangi uylarni ko‘zdan kechirgani to‘g‘risida xabar berilgandi.
Izoh (0)