Moncler moda brendi parfyumeriya yo‘nalishini ochib, o‘zining birinchi atirini taqdim etdi. Ayol va erkaklar uchun mo‘ljallangan versiyaga ega atir mos ravishda Moncler Pour Femme va Moncler Pour Homme nomini olgan, deb xabar beradi Esquire.
Kompozitsiya qorli tog‘ cho‘qqilariga bag‘ishlangan, chunki Moncler o‘z faoliyatini tog‘ chang‘ichilari uchun kiyim yaratishga boshlagan va hozirda ham asosan paxmoq hamda boshqa issiq kiyimlarni taqdim etishga ixtisoslashgan.
Parfyumer Nisrin Grillye atirning ayollar uchun mo‘ljallangan versiyasiga “Pudrali qor” nomli maxsus akkord yaratgan bo‘lib, u sokin qish havosini yodga soladi. Moncler Pour Homme ustida esa parfyumer Antuan Mezondye ish olib borgan — u atirga anbar, kedr va sandal iforlarini beruvchi “Tog‘ o‘rmoni” akkordini qo‘shgan.
Shuningdek, Moncler atirlarning idishiga ham alohida e’tibor qaratgan: qovurg‘ali metall g‘ilof Rimowa bilan hamkorlikda yaratilgan kolleksiyadagi chamadonlarni yodga soladi, Moncler yozuvi esa unga qotirilgan LED ekranda paydo bo‘ladi. Maxsus dastur yordamida xaridor raqamli yozuvni o‘ziga moslab o‘zgartirishi mumkin.
Atirlar 5-oktabrdan sotuvga chiqqan bo‘lib, uni Moncler do‘konlari va brend hamkorlik qiladigan reteylerdan xarid qilish mumkin.
Eslatib o‘tamiz, 2017-yilda Italiyaning Moncler kompaniyasi kichkina itlar uchun hashamdor momiq kiyimlarning yangi kolleksiyasini taqdim etgandi.
Izoh (0)