Yaponiyaning 4Design kompaniyasi BBS Japan firmasi va an’anaviy idish-tovoqlar ishlab chiqaruvchi Fujita korxonasi bilan birgalikda shokoladdan mitti poyga g‘ildiraklari diskasini tayyorlash imkonini beruvchi texnologiyani yaratdi. Mutaxassislar tomonidan tayyorlangan press-shakl sanoqli daqiqalar ichida barchaga “Formula-1” poyga bolidining g‘ildiragi shaklidagi shirinliklardan bahramand bo‘lish imkonini beradi, deb yozadi Motor.
Kadr: YouTube
Ekologik toza diskalar BBS g‘ildirak poygalarini ishlab chiqaruvchi yaponiyalik dizaynerlar, shuningdek, o‘zining an’anaviy mis idishlari bilan tanilgan kompaniyaning hamkorlik mevasi hisoblanadi. Mutaxassislar tomonidan ishlab chiqilgan press-shakl qayta ishlangan alyuminiydan iborat oltita mitti ehtiyot qismdan tashkil topgan. Barcha elementlar birgalikda yig‘ilsa, konstruksiya 7 va 8 santimetrli uch o‘lchamli kubga aylanadi.
Konstruksiya markazi bo‘sh bo‘lib, u yerga eritilgan shokolad quyiladi. Yig‘ilgan press-shaklning ichki dizayni sabab erigan massa BBS F1 poyga g‘ildiragi shaklida qotadi. Konfet yakuniy shaklga kirgach, “Formula-1” bolidining g‘ildiragi shaklida paydo bo‘lgan shirinlikni olish uchun noodatiy konstruksiyani qismlarga ajratish kifoya.
Ixtirochilarning so‘zlariga ko‘ra, loyihani yaratishga mutaxassislar 6 oyga yaqin vaqt sarflagan. Dizaynerlar shokoladli press-shakldan tashqari, ichiga BBS logotipi tushirilgan mitti divan yostig‘ini “quyish” imkonini beradigan konstruksiyani ham yaratgan.
Avvalroq iste’mol qilsa bo‘ladigan eng tezkor avtomobil bir vaqtning o‘zida ikkita Ginnes rekordini o‘rnatgan edi.
