Samarqand shahri Bag‘dod ko‘chasida joylashgan maktabgacha ta’lim tashkilotlaridan birining hududida sodir bo‘lgan yong‘in bartaraf etildi, deb xabar beradi FVV matbuot xizmati.
Ma’lum qilinishicha, 4-oktabr kuni soat 14:36 da Samarqand viloyati Favqulodda vaziyatlar boshqarmasiga Bag‘dod ko‘chasida joylashgan maktabgacha ta’lim tashkiloti oshxonasining tom qismida yong‘in bo‘layotgani to‘g‘risida xabar kelib tushgan.
Shunga ko‘ra, voqea joyiga 3 ta yong‘in-qutqaruv ekipaji soat 14:40 da yetib borgan va yong‘in soat 15:06 da o‘chirilgan.
Hodisa oqibatida oshxonaning 30 kvadrat metr maydonda tom qismi yong‘indan zararlangan bo‘lib, jabrlanganlar yo‘q. Tarbiyalanuvchilar binodan o‘z vaqtida evakuatsiya qilingan.
Hozirda yong‘inning kelib chiqish sababi va moddiy zarar miqdori aniqlanmoqda.
Avvalroq Chilonzordagi ko‘p qavatli uylarning birida gaz portlagani, Qarshi shahridagi mebel sexida sodir bo‘lgan yong‘in oqibatida uch nafar fuqaro vafot etgani, Andijondagi ikki qavatli savdo markazining yerto‘lasida yong‘in yuz bergani to‘g‘risida xabar berilgandi.
Izoh (0)