O‘zbekistonda ikki kun davomida eski haydovchilik guvohnomalarini yangisiga almashtirish xizmati vaqticha ko‘rsatilmaydi. Bu haqda Davlat xizmatlari agentligi xabar qildi.
Ma’lum qilinishicha, Ichki ishlar vazirligi Yo‘l harakati xavfsizligi boshqarmasi elektron tizimida texnik-profilaktik tadbirlar amalga oshirilishi munosabati bilan 2021-yilning 2–3-oktabr (shanba va yakshanba) kunlari eski namunadagi haydovchilik guvohnomalarini yangisiga almashtirish xizmati vaqtinchalik ko‘rsatilmaydi.
Xizmatdan foydalanish uchun 4-oktabr, dushanba kunidan Davlat xizmatlari markazlariga hamda IIBB YHXB bo‘limlariga murojaat qilish mumkin.
Avvalroq DXA hali 2 milliondan ortiq haydovchi guvohnomasini yangilamagani va O‘zbekistonda haydovchilik guvohnomasini almashtirish muddati uzaytirilishi mumkinligi haqida xabar berilgandi.
Izoh (0)