Avstraliyaning ANCAP mustaqil assotsiatsiyasi Toyota Yaris Cross ixcham krossoveri va Isuzu MU-X yo‘ltanlamasi ishtirokida krash-testlar seriyasini o‘tkazdi. Sinov natijalariga ko‘ra, bazaviy jamlanmadagi ikkala model ham hayratlanarli natijalarni ko‘rsatgan, deb xabar beradi Motor.
Bazaviy jamlanmadagi Toyota Yaris Cross va Isuzu MU-X frontal va yon xavfsizlik yostiqchalari, shu bilan birga, haydovchi va yo‘lovchi o‘rtasidagi yostiqchalar hamda avtomatik ravishda favqulodda tormozlanish tizimi bilan jihozlangan. Shuningdek, Isuzu qo‘shimcha ravishda haydovchi tizzalarini himoya qiladigan vositalarga ega.
Sinovlar davomida ikkala model ham yaxshi kuzov qattiqligini va katta yoshdagi hamda yosh yo‘lovchilar uchun yuqori xavfsizlik darajasini namoyish etgan. Yaris Cross’ning ichidagi manekenlar interyer yuzasiga urilganiga qaramay, mutaxassislarning hisoblashicha, yuklanish bir marta ham favqulodda yoki xavfli chegaraga yetmagan. Ekspertlar Toyota’dagi barcha yo‘lovchilarning xavfsizligini 86 foizga baholagan. Isuzu’ning kattalar va bolalar uchun himoyalanganlik darajasi mos ravishda 87 va 85 foizni tashkil etgan.
Mutaxassislar, shuningdek, modellarning piyodalar va velosipedchilar bilan to‘qnashuvidagi xavfsizligini ham tekshirgan. Yaris Cross’ning favqulodda tormozlanishdagi avtomatik tizimi yuqori samaradorlikni ko‘rsatgan. Isuzu MU-X’ning shu kabi texnologiyasi esa vazifani yomonroq uddalagan. Tizim harakatlanayotgan velosipedchini doim ham tanishga qodir emas, ayniqsa, sutkaning qorong‘i vaqtida.
Avvalroq Tesla Model 3 velosipedchi bilan to‘qnashuvning oldini olish testidan o‘ta olmagani to‘g‘risida xabar berilgandi.
Izoh (0)