Toshkent viloyatining Qibray tumanida 2021-yilning oktabrida “Imkon” reabilitatsiya markaziga ega, yangi ko‘p tarmoqli ixtisoslashtirilgan maktabgacha ta’lim tashkiloti ochiladi. Bu haqda Maktabgacha ta’lim vazirligi matbuot xizmati xabar berdi.
Shu munosabat bilan Toshkent viloyati va Toshkent shahrida yashovchi, alohida ta’limga va reabilitatsiya protseduralariga muhtoj bolalarni qabul qilish choralari boshlangan.
2021-yil 23—24-sentabr kunlari “Imkon” reabilitatsiya markaziga ega davlat ko‘p tarmoqli ixtisoslashtirilgan maktabgacha ta’lim tashkiloti binosida 2 yoshdan 6 yoshgacha bo‘lgan bolalarni maxsus MTTga tanlash bo‘yicha tibbiy–psixologik-pedagogik komissiyaning yig‘ilishi tashkil etiladi.
Eslatib o‘tamiz, “Imkon” reabilitatsiya markaziga ega davlat ko‘p tarmoqli ixtisoslashtirilgan maktabgacha ta’lim tashkilotidir.
Ushbu tashkilot ikkita bo‘limdan iborat:
- 2 yoshdan 7 yoshgacha bo‘lgan bolalar uchun 10 guruhdan iborat ko‘p tarmoqli ixtisoslashtirilgan maktabgacha ta’lim tashkiloti (bolaning tashxisiga qarab);
- reabilitatsiya markazi – 2 yoshdan 18 yoshgacha bo‘lgan bolalar uchun.
Izoh (0)