Toshkent viloyatida “Xavfsiz hudud” tezkor-profilaktik tadbiri davomida yashirin ravishda ekstremistik faoliyat bilan shug‘ullanib kelgan bir guruh shaxslar qo‘lga olindi, deb xabar bermoqda viloyat IIBB matbuot xizmati.
Xususan, Toshkent viloyat IIBB, prokuratura, DXX bilan hamkorlikda Nurafshon shahri, Ohangaron va Chinoz tumanlarida o‘tkazgan “tezkor tadbir” davomida shunday shaxslarninig 27 nafari aniqlanib, ushlangan.
Qayd etilishicha, hozirda ushbu shaxslarning xatti-harakatlariga qonuniy baho berish bo‘yicha surishtiruv ishlari olib borilmoqda.
Bundan avval “Xavfsiz hudud” keng qamrovli profilaktik tadbirlari doirasida Toshkent viloyatining Zangiota tumanida ekstremistik faoliyat bilan shug‘ullanib kelayotgan bir guruh shaxslar ushlangani, Chinoz tumanida “Jihodchilar” ekstremistik oqimi a’zolarining 10 nafari qo‘lga olingani haqida xabar berilgan edi.
Izoh (0)