Moliya vazirligi fuqarolarga bolalar nafaqasi va moddiy yordam uchun murojaat qilishda, shuningdek, ma’lumot olishda qo‘shimcha qulaylik yaratish maqsadida maxsus Telegram-bot — @sr_mf_uzbot’ni ishga tushirdi. Bu haqda vazirlik matbuot xizmati xabar berdi.
Ushbu maxsus Telegram-botda:
- “Ijtimoiy himoya yagona reyestri” axborot tizimi haqidagi ma’lumotlar;
- bolalar nafaqasi va moddiy yordam uchun berilgan arizalarning holati to‘g‘risida;
- bolalar nafaqasi va moddiy yordam uchun murojaat qilish tartibi;
- bolalar nafaqasi va moddiy yordamni tayinlash rad qilinish sabablari;
- bolalar nafaqasi va moddiy yordam miqdorlari kabi ma’lumotlar o‘rin olgan.
Ma’lumot uchun, Prezident tomonidan imzolangan farmonga ko‘ra, 2021-yil 1-sentabrdan boshlab amalda bo‘lgan kam ta’minlangan oilalarga 14 yoshgacha bolalari uchun nafaqa va 2 yoshgacha bolani parvarish qilish nafaqasi o‘rniga yagona bolalar nafaqasi joriy etildi.
Bunda, ushbu nafaqani tayinlashda:
- bolalar yoshi me’yori 14 yoshdan 18 yoshgacha oshirildi;
- to‘lov muddati 6 oydan 12 oygacha uzaytirildi;
- nafaqa miqdori oiladagi bolalar sonidan kelib chiqib belgilanadi;
- farzandi bo‘lmagan yoki farzandlari 18 yoshdan katta bo‘lgan kam ta’minlangan oilalarga moddiy yordam tayinlanadi.
Izoh (1)
2oydan beri bolalar pulga ariza beraman ariz utmayapti qabul qilmayapti deyishyapti nma qilishimiz kerak