Bugun,

  • USD 11095.31
  • RUB 173.84
  • EUR 10772.44

2022-yil 1-yanvardan boshlab tuman va shaharlar budjetlari parametrlarida hududiy ichki yo‘llarni ta’mirlash uchun ajratiladigan mablag‘larning 50 foizi “Ochiq budjet” axborot portali orqali jamoatchilik fikri asosida aniqlangan ichki yo‘llarni ta’mirlashga yo‘naltiriladi. Bu haqda Prezidentning “ ‘Ochiq budjet’ axborot portali orqali jamoatchilik fikri asosida shakllangan tadbirlarni moliyalashtirishni yanada kengaytirish chora-tadbirlari to‘g‘risida”gi qarorida so‘z boradi.

Foto: “Daryo”

Foto: “Daryo”

Shuningdek, hujjat bilan 2021-yil 1-oktabrga qadar Fuqarolar tashabbusi jamg‘armasida 1 milliard so‘mdan kam mablag‘ shakllangan tuman va shaharlar uchun qo‘shimcha 57,9 milliard so‘m, “Ochiq budjet” axborot portali orqali kelib tushgan takliflar soni 100 tadan ortiq bo‘lgan tuman va shaharlarga qo‘shimcha 59,5 milliard so‘m mablag‘ ajratiladi.

Tumanlar va shaharlar hokimliklari tomonidan har chorakda chorakdan keyingi oyning 25-sanasiga qadar jamoatchilik fikri asosida shakllantirilgan tadbirlarni moliyalashtirish bo‘yicha ma’lumotlar o‘zlarining rasmiy veb-saytlari va “Ochiq budjet” axborot portaliga joylashtirib boriladi. Mazkur talabning buzilishi budjet jarayonining ochiqligini ta’minlash tartibini buzish deb baholanadi.

Moliya vazirligiga xalqaro tashkilotlarni jalb qilgan holda tashabbusli budjetlashtirish jarayonida hududlar tomonidan yo‘l qo‘yilgan kamchiliklarning tahlillari asosida ushbu jarayonni takomillashtirish bo‘yicha Vazirlar Mahkamasiga taklif kiritib borish vazifasi qo‘yilgan.

Mahalla va oilani qo‘llab-quvvatlash vazirligi Yoshlar ishlari agentligi, Moliya vazirligi bilan birgalikda tashabbusli budjetlashtirish jarayonini amalga oshirish mexanizmi va uning mohiyatini aholi o‘rtasida tizimli ravishda keng yoritib boradi, har bir mahalla va ovulda “Ochiq budjet” axborot portalida taklif qoldirish va ovoz berish jarayoniga ko‘maklashuvchi “mobil” guruhlar hamda “tashabbuskorlar burchagi”ni tashkil etadi.

Eslatib o‘tamiz, 9-iyul kuni O‘zbekiston Moliya vazirligi yangilangan “Ochiq budjet” portalini ishga tushirgan, u yerda davlat budjeti, davlat qarzi haqida ma’lumot e’lon qilinadi va “Tashabbusli budjet” bo‘limi yaratilgan.

Izoh
Asosiy yangiliklar
Mahalliy
“Xodim o‘zini qurbon qilib, ayolning hayotini saqlab qolgan”. IIV profilaktika inspektori vafoti yuzasidan tasdiqlanmagan xabarlar tarqatmaslikni so‘radi
Mahalliy
Tarix — ozodlik uchun yo‘l. Mahmudxo‘ja Behbudiy faoliyatiga nazar (video)
Mahalliy
O‘zbekistonda 2-dekabr kuni 156 kishida koronavirus aniqlandi