Toshkent shahri Yangihayot tumanida joylashgan chiqindilarni qabul qilish shoxobchasida ishlovchi Temur ismli fuqaro u yerni obodonlashtirib, turli xildagi o‘simliklar bilan bezatdi. Bu haqda UzReportTV telekanalida ma’lum qilindi.
Toshkent shahar hokimining o‘rinbosari Furqat Mahmudxo‘jayev Yangihayot tumani “Furqat” mahallasiga tashrif buyurib, chiqindilarni to‘plash shoxobchasida o‘zgacha atmosfera hosil qilgan fuqaro bilan suhbatlashdi.
Chiqindixona ozoda bo‘lib, u yerdan turli xildagi ko‘rkam o‘simliklar joy olgan.
“Odamlar shunchaki chiqindi tashlashga emas, balki bu narsa ularga yoqimli bo‘lishi, ular kelib tomosha qilib, ko‘rganlarini kimdir bilan bo‘lishishi uchun harakat qildik. Ba’zida bu konteynerlar saqlanadigan joymi yoki chiqindixonami, deb adashishadi ham”, – deydi Temur.
Ta’kidlanishicha, chiqindixonada birorta yoqimsiz hid yo‘q. Chiqindixonaning tutash yeridagi kichik hududda botanika burchagi tashkil qilingan. U yerda ham turli o‘simlik va daraxtlar ekilgan.
Izoh (0)