O‘zbekistondagi ayrim tijorat banklarida dollar kursi birinchi marta 10 760 so‘mga qadar ko‘tarildi

O‘zbekistondagi bir nechta tijorat banklari 16-sentabr, payshanba kuni dollar valyutasining so‘mga nisbatan kursini oshirdi.

Aksariyat banklar 1 AQSh dollarini 10 700 so‘mga sotib olishni, 10 760 so‘mga sotishni taklif qilmoqda.

Quyida dollarning yangi qiymatini e’lon qilgan ayrim banklar keltirilgan:

• “Agrobank”: sotib olish — 10 670, sotish — 10 760;
• Asia Alliance Bank: sotib olish — 10 710, sotish — 10 760;
• NBU: sotib olish — 10 690, sotish — 10 760;
• Orient Finans Bank: sotib olish — 10 650, sotish — 10 760;
• “Savdogar bank”: sotib olish — 10 670, sotish — 10 740.

O‘zbekistondagi bir nechta tijorat banklarida dollar kursi 7-sentabr kuni 10 740 so‘mgacha, 8-sentabrda esa 10 750 so‘mgacha ko‘tarilgandi. Shundan so‘ng dollar kursi bir necha kun davomida pastladi, ammo 15-sentabrdan boshlab yana ko‘tarildi.

Markaziy bank kursiga ko‘ra, 1 AQSh dollari 10 706 so‘mni tashkil qilmoqda.