Farg‘onada spirtli ichimlik ta’sirida bo‘lgan ikki fuqaroning janjali o‘lim bilan yakunlandi, deya xabar berdi “Daryo” muxbiri.
Ma’lum qilinishicha, 2021-yilning 7-sentabr kuni Uchko‘prik tumani “Mehnatobod” mahallasida yashovchi 1985-yilda tug‘ilgan H.H. yashash xonadonida tanishi 1964-yilda tug‘ilgan I.A. bilan spirtli ichimlik iste’mol qilgan. Shundan so‘ng o‘rtada yuzaga kelgan janjal natijasida H.H. turli jismlar bilan I.A.ni urib, og‘ir tan jarohati yetkazgan. Oqibatda I.A. hodisa joyida vafot etgan.Mazkur holat yuzasidan Uchko‘prik tumani prokuraturasi tomonidan Jinoyat kodeksining 97-moddasi 1-qismi (qasddan odam o‘ldirish) bilan jinoyat ishi qo‘zg‘atilib, H.H.ga nisbatan qamoqqa olish ehtiyot chorasi qo‘llangan.
Hozirda dastlabki tergov harakatlari olib borilmoqda.
Izoh (0)