AQSh birinchi xonimi Jill Bayden Shimoliy Virjiniya jamoat kollejidagi to‘liq stavkali o‘qituvchilik ishiga qaytdi. Bu haqda Associated Press xabar berdi.
Avvalroq The Washington Post nashri Jill Bayden kollejda haftada ikki kun — seshanba va payshanba kunlari dars berishini xabar qilgandi. U akademik insho yozish kursini olib boradi.
70 yoshli Jill Bayden AQSh tarixida Oq uy tashqarisida to‘liq stavkada ishlaydigan birinchi prezident rafiqasi. Jo Bayden AQSh vitse-prezidenti bo‘lgan davrda ham Jill boshqa vitse-prezident rafiqalaridan farqli o‘laroq ishlar edi.
Jo Bayden prezidentlikka saylanganidan keyin Jill Bayden dars berishni to‘xtatmadi, lekin pandemiya boshlanishi bilan u masofadan o‘qitishga o‘tdi.
Ilgari AQSh birinchi xonimlari uydan tashqarida ishlamagan, ayniqsa, Oq uyga ko‘chib o‘tganidan so‘ng. Ular turmush o‘rtoqlarini qo‘llab-quvvatlar, bolalarni tarbiyalar va uy bekasi rolini o‘ynardi. Ba’zi xonimlar erlari uchun maxsus elchi bo‘lib ishlagan.
Jill Bayden dars berishni 1976 yilda — Jo Bayden bilan tanishganidan bir yil o‘tib boshlagan. U 2009-yildan beri Shimoliy Virjiniya jamoatchilik kollejida ishlaydi.
Mavzuga doir:
- “Sen buni o‘zgartirishing kerak”. O‘qituvchi va birinchi xonim Jill Bayden o‘zi kim?
- AQShning yangi birinchi xonimi — Jill Bayden qanday uslubda kiyinishni xush ko‘radi? (foto)
- AQSh prezidenti Jo Bayden va uning rafiqasi 2020-yilda 600 ming dollar daromad oldi. Vitse-prezident Kamala Xarris va turmush o‘rtog‘i — bundan uch baravar ko‘p
Izoh (0)