Rassom Isaak Brandt mashhur krossovkalarning namunalarini yaratadi, deb yozadi Esquire. Ammo ular faqat konturda bo‘lib, namunalar poyabzal skeletiga o‘xshaydi. Oq polimer material esa bu taassurotni yanada kuchaytiradi.
Brandt Adidas Superstar, Nike Air Force 1 va Reebok Classic’ning mashhur krossovkalar, Louis Vuitton va Prada modellari, Converse Chuck Taylor kedalari va Crocs va Yeezy Foam Runner kabi boshqa mashhur poyabzal brendlari bilan ishlaydi.
Uning so‘nggi ishi — Deadstock Archive: The Classics klassik modellarga bag‘ishlangan bo‘lib, krossovka madaniyati haqida fikr yuritish uchun yaratilgan. Bu bilan rassom krossovkalar ham kolleksiya qilinadigan buyumlar darajasiga ko‘tarishi va ularni hayvon skeletlari namoyish qilinadigan muzeyda bo‘lgani kabi shkaflarda saqlash mumkinligini ko‘rsatmoqchi.
Brandt yaratgan ishlar tomosha qilinadigan shunchaki buyum emas, balki ularni kiyish ham mumkin. Ammo ular kun bo‘yi kiyib yuriladigan poyabzaldan ko‘ra, san’at asariga yaqinroq.
Brandt krossovkalarni yaxshi ko‘radi, shu bilan birga, ko‘cha madaniyatiga ham qiziqadi. Uning avvalgi loyihasi breyk raqsga bag‘ishlangan edi: rassom ko‘p qatlamli kartondan raqqos haykalini yaratgan.
Mavzuga doir:
- Louis Vuitton brendi Charlie nomli ekologik toza krossovkalarni yaratdi
- Samolyot narxidagi oyoq kiyim: Dunyodagi eng qimmat krossovkalar (foto)
- Nike brendi Air Force krossovkalarining toshlar bilan bezalgan variantini ishlab chiqardi
- Lego va Adidas hamkorlikda haqiqiy o‘lchamdagi Superstar krossovkasi konstruktorini ishlab chiqardi
- New Balance brendi pivo bankalari uchun mo‘ljallangan krossovkalarni ishlab chiqardi
Izoh (0)