Turk kinosanoatining taniqli vakillari Nesrin Javadzade va Go‘khan Alkan munosabatlarini nikoh bilan mustahkamlashga ahd qildi. “Izmir” jurnalining Instagram sahifasida ma’lum qilinishicha, aktyor Datcha tumanidagi oilaviy kechki ovqat vaqti qaylig‘iga turmushga chiqishni taklif qilgan.
Nesrin va Go‘khan “Qora niyat” serialida birga suratga tushgan. Nesrin Javadzade turk kinematografiyasining eng yorqin aktrisalaridan biri sanaladi. Uning ishtirokidagi deyarli barcha loyihalar muvaffaqiyatli chiqqan. Ayniqsa, “Qora niyat”dagi ishtiroki sabab mashhurlikka erishgan, ammo rejissor bilan kelishmovchilik tufayli loyihani erta tark etgan.
Aktrisaning suratga olish maydonchasidan ketishi tomoshabinlarning e’tiroziga sabab bo‘lgan. Shundan keyin biroz ijodiy tanaffus e’lon qilgan Nesrin yangi loyihalardan taklif kelib tushishini kutgan. Ammo taqdir tuhfasi bilan ish o‘rniga turmush bilan bog‘liq taklif olgan.
Suratga olish maydonchasida tanishgan juftlik 2020-yil noyabrda munosabatlari jiddiylashganini rasman ma’lum qilgan. Alkan ayni vaqtda mavsumning eng mashhur loyihalaridan biri bo‘lgan “Qalb yarasi” serialida suratga tushmoqda. Yulduzli juftlikning unashtiruv va to‘y sanasi noma’lum. Bu haqda ular keyinroq matbuotga ma’lumot beradi.
Izoh (0)