O‘zbekistonning Istanbul shahridagi Bosh konsulxonasi Turkiyaga kelin bo‘lib tushgan xonadonida o‘g‘irlik sodir etishda ayblanayotgan fuqaro bo‘yicha ma’lumot berdi.
Ma’lum qilinishicha, ayni kunlarda Turkiya OAV va ijtimoiy tarmoqlarda keng tarqalayotgan O‘zbekistondan Turkiyaga kelin bo‘lib tushgan va ayni vaqtda uyidan qochib, o‘g‘rilikda ayblanayotgan fuqaro D.Z.ga nisbatan qo‘yilayotgan ayblovlar bo‘yicha holat Bosh konsulxona tomonidan nazoratga olingan.
“Shu bilan birga, Bosh konsulxona tomonidan mazkur ishni o‘rganib chiqish uchun advokat jalb qilingan va mazkur hodisaga qonuniy baho berilgandan so‘ng qo‘shimcha tarzda ma’lumot berilishini eslatib o‘tamiz”, — deyiladi munosabatda.
Ma’lumot uchun, 2019-yil davomida jami 1550 nafar o‘zbekistonlik qiz Turkiya fuqarolariga turmushga chiqqan. Shuningdek, 11 nafar o‘zbekistonlik erkak Turkiya fuqarolariga uylangan.
Izoh (0)