Shodiyor Mamatqulov boshqa ishga o‘tishi munosabati bilan maktabgacha ta’lim vazirining o‘rinbosari lavozimidan ozod etildi. Bu haqda vazirlik matbuot xizmati xabar berdi.
Eslatib o‘tamiz, Shodiyor Mamatqulov 2018-yilning mayida O‘zbekiston Prezidentining qarori bilan maktabgacha ta’lim vazirining moliyaviy masalalar bo‘yicha o‘rinbosari etib tayinlangan edi.
Ma’lum qilinishicha, Nodir Muslitdinov maktabgacha ta’lim vazirining yangi o‘rinbosariga aylangan. Bungacha u Moliya vazirligida faoliyat yuritgan.
Avvalroq Toshkent shahri va Toshkent viloyatining sobiq hokimi Kozim To‘laganov qurilish vazirining o‘rinbosari lavozimidan ozod etilgani to‘g‘risida xabar berilgandi.
Izoh (0)