Farg‘onada eri bilan janjallashib qolgan 22 yoshli ayol o‘zini Katta Farg‘ona kanaliga tashlab, cho‘kib ketgan. Hozirda qidiruv-qutqaruv ishlari olib borilmoqda, deb xabar bermoqda “Daryo” muxbiri.
Ma’lum qilinishicha, 2021-yilning 4-iyul kuni soat taxminan 16:30 da Toshloq tumani “Ko‘lariq” MFY Beklar ko‘chasida yashovchi, 1999-yilda tug‘ilgan fuqaro B.M. Katta Farg‘ona kanalining Toshloq tumani “Xonaqa” MFY hududidan oqib o‘tuvchi qismida cho‘kib ketgan.
Surishtiruv davomida aniqlik kiritilishicha, fuqaro B.M. turmush o‘rtog‘i S.X. bilan o‘zaro janjallashib qolgan. Shundan so‘ng jahl ustida yashash xonadoniga yaqin bo‘lgan Katta Farg‘ona kanaliga o‘zini tashlab yuborgan.
Hozirda Favqulodda vaziyatlar boshqarmasi xodimlari tomonidan qidiruv ishlari olib borilmoqda.
Avvalroq viloyatning Yozyovon tumani Bo‘tqachi qishlog‘ida yashovchi 17 yoshli yigit 2020-yilning 22-dekabr kuni o‘zini Katta Farg‘ona kanaliga tashlagani, uning jasadi oradan 73 kun o‘tib topilgani haqida xabar berilgan edi. 2021-yilning 5-martida esa 13 yoshli sportchi yigit ushbu kanalda cho‘kib ketgandi. Sportchining jasadi 8-mart kuni ikki metr chuqurlikdan topilgandi.
Mavzuga doir:
- Buxoroda suvga cho‘kib ketgan maktab o‘quvchisining jasadi bir kundan keyin topildi
- Mo‘ynoqdagi kanalda cho‘kib ketgan ikki bola haqida qo‘shimcha ma’lumot berildi. Ular aka-uka bo‘lgan
- Katta Farg‘ona kanaliga izboskanlik 62 yoshli erkak cho‘kib ketgan bo‘lishi mumkin. O‘n kundan buyon hududda qidiruv ishlari olib borilmoqda
Izoh (0)