O‘zbekiston 2021-yilning yanvar—may oylarida xorijdan qiymati 150,9 million AQSh dollariga teng bo‘lgan 7,7 mingta yengil avtomobillarni import qildi. Bu haqda Davlat statistika qo‘mitasi xabar berdi.
Ma’lumotlarga ko‘ra, mamlakatga may oyining o‘zida 37,2 million dollar qiymatida yengil avtomobillar import qilingan. 2021-yilning o‘tgan 5 oyi mobaynida O‘zbekiston yengil avtomobillarni eng ko‘p import qilgan davlatlar:
- Janubiy Koreya – 42,7 million dollar;
- Xitoy – 41,1 million dollar;
- Rossiya – 30,5 million dollar;
- Qozog‘iston – 8,8 million dollar;
- AQSH – 6,7 million dollar;
- Tailand – 6,6 million dollar;
- Polsha – 4,6 million dollar;
- Germaniya – 3,9 million dollar;
- Litva – 2,5 million dollar;
- Yaponiya – 2,0 million dollar.
Avvalroq O‘zbekistonga o‘tgan bir oy ichida 49 ta elektromobil import qilingani, bu aprelda olib kelingan miqdordan 16 taga kamligi to‘g‘risida xabar berilgandi.
Ma’lumot uchun, O‘zbekiston 2020-yilda avtomobillar eksportini pul ko‘rinishida 30,4 foizga oshirgan. Ushbu davr ichida avtomobillar importi eksportga nisbatan 2,3 baravarga ko‘p bo‘lgan.
Izoh (0)