Islandiya hukumati 26-iyundan mamlakatda koronavirus tufayli joriy etilgan cheklovlarning barchasini bekor qildi, deb yozadi Meduza.
Islandiya sog‘liqni saqlash vaziri Svandis Svavarsdottir ma’lum qilishicha, mamlakatning 16 yoshdan oshgan aholisining 87 foizi kamida bitta doza bilan, 48 foizi esa to‘liq emlangani sharofati bilan cheklov choralarini bekor qilish imkoniyati yuzaga kelgan.
Svavarsdottirning so‘zlariga ko‘ra, Islandiya, ehtimol, Yevropada barcha cheklovlarni bekor qilayotgan birinchi mamlakatdir.
Shu paytgacha Islandiyada ommaviy tadbirlarga cheklovlar hamda ikki metrlik masofaga rioya qilish zarurligi haqidagi qoida amal qilib kelayotgan edi.
Islandiyada 360 mingga yaqin odam istiqomat qiladi. Pandemiya boshidan buyon 6637 kishi COVID-19’ga chalingan, 30 kishi vafot etgan.
Izoh (0)