Jons Hopkins universiteti ma’lumotlariga ko‘ra, dunyoda COVID-19 bilan kasallanganlar soni pandemiya boshidan buyon 179 999 482 kishiga yetgan, shularning 3 900 372 nafari vafot etgan.
Koronavirus bilan kasallanish holatlarining ko‘pligi bo‘yicha AQSh (33,5 million), Hindiston (30,1 million), Braziliya (18,2 million), Fransiya (5,8 million) va Turkiya (5,3 million) oldinda bormoqda.
Moskvada COVID-19’ga chalinganlar uchun observator yonib ketdi
Moskvadagi COVID-bemorlar uchun markazda yong‘in sodir bo‘ldi, bemorlar to‘liq evakuatsiya qilindi. Binoda mebel yonib ketgan, 80 ga yaqin kishi evakuatsiya qilingan.Observator sifatida foydalaniladigan reabilitatsiya markazining ma’muriy binosidagi xonalardan birida yong‘in chiqqan, u zudlik bilan bartaraf etilgan.
Mavzuga doir: Hindistonda koronavirus bemorlari davolanayotgan shifoxonada sodir bo‘lgan yong‘in oqibatida 4 kishi halok bo‘ldi
Britaniyada ketma-ket ikki kundan buyon COVID-19’ga chalinish bo‘yicha rekordlar qayd etilmoqda
Buyuk Britaniyada kunlik koronavirusga chalinish holatlari bo‘yicha 2021-yil 6-fevraldan buyon eng yuqori ko‘rsatkich qayd etildi.24-iyun holatiga, o‘tgan bir kecha-kunduzda 16,7 mingdan ortiq odamda koronavirus aniqlangan. Shu tariqa, ketma-ket ikkinchi kun mamlakatda ushbu ko‘rsatkich 16 mingdan oshgan.
Shuningdek, so‘nggi 24 soat ichida 21 kishi virus oqibatida vafot etgan.
Britaniyada 43,4 milliondan ortiq odam koronavirusga qarshi bitta dozada, 31 milliondan ortig‘i esa to‘liq emlangan, bu voyaga yetgan aholining 60 foizi demakdir.
Ummon “Sputnik V”dan favqulodda foydalanishni ma’qulladi
Ummon sultonligi hukumati Rossiyaning koronavirusga qarshi “Sputnik V” vaksinasidan favqulodda foydalanish uchun ruxsat berdi.“Sputnik V” bilan bir qatorda, mamlakatda Pfizer-BioNTech, Oxford/AstraZeneca va Sinovac vaksinalari uchun ham favqulodda foydalanish uchun litsenziyalar berildi.
“Sputnik V” koronavirusga qarshi dunyodagi birinchi vaksinaga aylandi, u Rossiyada 2020-yil avgustida ro‘yxatga olingan edi. Ayni paytda vaksina 60 dan ortiq mamlakatda foydalanish uchun ma’qullangan.
Izoh (0)