Samarqand viloyati Urgut tumanida ikki avtomobil haydovchilari va yo‘lovchilari o‘rtasida nizo chiqdi, deya xabar bermoqda viloyat IIB matbuot xizmati.
Qayd etilishicha, 2021-yilning 16-may kuni soat 22:30 larda Urgut tumani “Dehqonobod” mahallasida “VAZ 2106” hamda Captiva rusumli avtomashina haydovchilarining bir-biriga yo‘l bermasligi oqibatida fuqarolar o‘rtasida kelishmovchilik yuzaga kelgan.
Janjalga avtomashinalarda bo‘lgan fuqarolar ham qo‘shilgan. Janjal oqibatida ikki nafar fuqaro tan jarohati olib, Urgut tumani tibbiyot birlashmasiga murojaat qilgan.
Hozirda jabrlanuvchilar olgan tan jarohatlarining og‘irlik darajasini aniqlash maqsadida sud-tibbiy ekspertizasi tayinlanib, Urgut tumani bo‘yicha IIO FMB tomonidan tergovga qadar tekshiruv harakatlari olib borilmoqda.
Bundan avval Samarqandda yo‘lovchi talashib, janjallashgan taksi haydovchilariga 5 sutkadan qamoq jazosi tayinlangani, Andijonda “tonirovka”si uchun to‘xtatilgan Nexia haydovchisi YPX inspektori bilan janjallashgani hamda Toshkentda ayol eriga tegishli Spark’ning oynalarini sindirib tashlagani haqida xabar berilgandi.
Izoh (0)