Toshkentning ikki tumanida Ichki ishlar organlari faoliyatini muvofiqlashtirish boshqarmalariga yangi rahbarlar tayinlandi. Bu haqda poytaxt IIBB matbuot xizmati xabar berdi.
Polkovnik Abdumajid Shermuhamedov Yunusobod tumani Ichki ishlar organlari faoliyatini muvofiqlashtirish boshqarmasi boshlig‘i vazifasini bajaruvchi etib tayinlandi. Tayinlovga qadar u Toshkent shahar IIBB Moddiy-texnika va xo‘jalik xizmati boshlig‘i bo‘lgan.
Podpolkovnik Oybek Kaymxojayev Yashnobod tumani Ichki ishlar organlari faoliyatini muvofiqlashtirish boshqarmasi boshlig‘i etib tayinlandi. Tayinlovga qadar u tuman IIO FMB boshlig‘i vazifasini bajaruvchi bo‘lgan.
Avvalroq Uchtepa tumani Ichki ishlar organlari FMBga yangi boshliq tayinlangani, Yakkasaroy tumani IIB boshlig‘i Mirzo Ulug‘bek tumani Ichki ishlar organlari FMBga boshliq bo‘lgani haqida xabar berilgan edi.
Izoh (0)