Uzbekistan Airways 21-iyundan boshlab Nukus—Aqtau—Nukus yo‘nalishi bo‘yicha muntazam qatnovlarni yo‘lga qo‘yadi, deb xabar bermoqda kompaniya matbuot xizmati.
Mazkur yo‘nalishda parvozlar haftaning dushanba kunlari amalga oshiriladi.
Nukus—Aqtau yo‘nalishi bo‘yicha aviachipta narxi 1 093 000 so‘mdan boshlanadi, Nukus—Aqtau—Nukus bo‘yicha esa 1 869 000 so‘mdan boshlanadi.
Shuningdek, Uzbekistan Airways Urganch—Aqtau—Urganch yo‘nalishida ham haftasiga ikki marotaba: dushanba va juma kunlari muntazam qatnovlarni amalga oshirmoqda.
Aviachipta narxlari 2021-yil 16-may holatiga ko‘rsatilgan.
Eslatib o‘tamiz, 2021-yilning martida Qozog‘istonning SCAT aviakompaniyasi Aqtau–Urganch–Aqtau yo‘nalishida ilk parvozini amalga oshirgandi. 9-iyun kuni Samarqand aeroporti birinchi marta Olmaotadan reys qabul qildi.
Avvalroq Turkish Airlines samolyoti ilk bor Istanbuldan Urganchga uchgani, Uzbekistan Airways 15-iyundan boshlab Domodedovo aeroportidan parvozlarni qayta yo‘lga qo‘ygani haqida xabar berilgan edi.
Izoh (0)