Qashqadaryo viloyatining Shahrisabz shahrida 2021-yilning 13—15-iyun kunlari “Biz Amir Temur avlodlari, unga izdosh bo‘lamiz!” shoiri ostida “Yangi O‘zbekiston yoshlari, birlashaylik!” deb nomlangan yoshlar festivali bo‘lib o‘tdi. Mazkur festivalning yopilish marosimida ishtirok etgan “Daryo” muxbiri tadbirning e’tiborga molik holatlarini suratga oldi.
Yoshlar ishlari agentligining Qashqadaryo viloyat boshqarmasi boshlig‘i Temur Poyonovning ma’lumot berishicha, uch kun davom etgan festivalda 300 ming nafar ishtirokchi qatnashgan.
“82 gektar maydonda tashkil etilgan festivalda 14 ta tuman yoshlari tomonidan 14 ta pavilyon tashkil etildi. Va shu tumanning o‘zi xos jihatlari ko‘rsatib berildi”, — deydi Temur Poyonov.
Ta’kidlanishicha, festivalda 40 yaqin sport tadbirlari tashkil etilgan. Shuningdek, viloyatda faoliyat yurituvchi hokimlar sardorligida “Zakovat” o‘yini ham bo‘lib o‘tdi.
Tadbir yakunida festivalni yoritib borgan televideniye jurnalisti, eng faol bloger, Telegram kanal va videoblogerlar pul mukofoti bilan taqdirlangan.
Izoh (0)