Hashamat va qulaylikda mashhur Versal saroyini ham ortda qoldiradigan Bavariya qiroli qasri (foto)

Insoniyat tarixida yerlarni egallab olish va ko‘proq qudratga ega bo‘lishni istagan hukmdorlarni ko‘plab uchratish mumkin. Ulardan farqli ravishda Bavariya qiroli Lyudvig II, eng avvalo, go‘zallikni sevardi. U orzular, she’riyat va opera bilan yashaganligi sababli ham siyosatga begona bo‘lgan, o‘ziga xos noyob monarx edi. U nafis didli inson sifatida, shuningdek, o‘z davrining eng sirli va fojiali siymolaridan biri sifatida abadiy qolgan. Odamlar uni ajoyib podshoh deb atay boshladilar, chunki u o‘zining ajoyib merosi — shaxsiy nazorati ostida qurilgan eng hashamatli saroylarni qoldirdi.

U ushbu ajoyib binolardan birini fransuz monarxi Lyudovik XIV sharafiga yaratgan.

Yog‘och ishlab chiqaruvchi kompaniya tomonidan daraxtlarning to‘liq kesilishidan norozi bo‘lgan Xerren oroli aholisining shikoyatlari hukmdorni yerning bir qismini sotib olib, u yerga saroy qurishga undadi. Shunday qilib, u nafaqat o‘rmonni yo‘q bo‘lib ketishdan saqlab qoldi, balki o‘zining navbatdagi orzusini ham amalga oshirdi.

Me’morlar Georg von Dolman va Yulius Xofman bor mahoratlarini namoyish etishga harakat qilishgan.

Versal bilan juda o‘xshashligiga qaramay, Bavariya qirolining qasri o‘sha paytdagi barcha zamonaviy qulayliklarga ega edi. Afsonaviy tasvirlar bilan bezatilgan liftlar, hammom, oqova suv va hattoki basseyn ham go‘zallik, ham texnik jihatdan mukammal edi. Umuman olganda, Xerrenkimzeye Versalning nusxasi emas, balki hashamat va qulaylikda undan bir necha bor ustun bo‘lgan.

Lyudvig II qurdirgan zallar va shaxsiy xonalarida nafis barokko uslubi ustunlik qiladi.

Dabdabali interyer uchun juda ko‘p miqdorda oltin va billur ishlatilgan.

Deyarli barcha xonalarda monarxning portretlari joylashtirilgan.

Lyudovikning haykali xudolar va nimfalar bilan birga dahlizning ichki qismiga juda mos tushgan.

Xerrenkimzeye saroyida podshohning kechki ovqati uchun g‘ayrioddiy ko‘chma stol bo‘lgan, u pastki qavatda joylashgan bo‘lib, lift bilan oliy martabali xonalarga ko‘tarilgan.

Zinapoya yuqorisida kunduzi yorug‘lik tushadigan shisha tom bor.

Xonalardan biriga sayyoralar va turli xil samoviy tasvirlar tushirilgan astronomik soat o‘rnatilgan. Ularni soatsoz Karl Shveysar yasagan.

Mazkur qasr Lyudvig II ning sirli o‘limidan bir muncha vaqt o‘tgach, jamoat tashriflari uchun ochilgan.