Xorazmda Nexia avtomobili haydovchisining boshqaruvni yo‘qotishi natijasida yuzaga kelgan yo‘l-transport hodisasi oqibatida to‘rt kishi halok bo‘ldi. Bu haqda “Xorazm” telekanalining “Jinoyat va adolat” ko‘rsatuvida ma’lum qilindi.
Ma’lum qilinishicha, 24-may kuni soat 17:40 larda Yangiariq tumani “Achchiquyi” mahallasida yashovchi 39 yoshli fuqaro Nexia-2 avtomobilini boshqarib ketayotib Yangiariq—Xonqa yo‘lining 14-kilometrida yo‘l chetidagi 6 nafar 11-sinf bitiruvchilarini urib yuborgan. Avtomobilning o‘zi esa yo‘l bo‘yidagi ariqqa ag‘darilib tushgan.
Avariya oqibatida jabrlanuvchilarning 3 nafari voqea joyida, yana bir nafari esa shifoxonada olgan tan jarohatlari oqibatida vafot etgan. Shuningdek, ikki nafar o‘quvchi shifoxonaga joylashtirilgan.
Haydovchiga nisbatan Jinoyat kodeksining 266-modda (transport vositalari harakati yoki ulardan foydalanish xavfsizligi qoidalarini buzish) 3-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Avvalroq Buxoroda sodir bo‘lgan YTHda 14 yoshli maktab o‘quvchisi voqea joyida halok bo‘lgani, Xorazmda haydovchilik guvohnomasi bo‘lmagan 10-sinf o‘quvchisi boshqaruvidagi Lacetti Damas’ga urilishi oqibatida uch kishi vafot etgani to‘g‘risida xabar berilgandi.
Mavzuga doir:
- Samarqandda uxlab qolgan Cobalt haydovchisi o‘zidan oldingi “KamAZ”ga urilishi oqibatida ikki yo‘lovchi vafot etdi
- Buxoroda o‘zidan oldingi mashinani quvib o‘tmoqchi bo‘lgan Nexia haydovchisi qarshisidan kelayotgan yuk mashinasiga urilishi oqibatida vafot etdi
- Surxondaryoda Damas va “KamAZ” to‘qnashuvida ikki kishi halok bo‘ldi, 8 yoshli qiz va yana bir kishi og‘ir tan jarohatlari oldi
Izoh (0)