Xitoyda Redmi brendi yangi hamyonbop smartfon — Redmi Note 10 Pro hamda simsiz Redmi AirDots 3 Pro naushniklarini taqdim etdi, deb xabar beradi “Afisha.uz”.
Redmi AirDots 3 Pro
Yangi naushniklar bir vaqtning o‘zida ikkita qurilmaga ulanishga va musiqani juda kichik uzilishlar — 69 millisoniya bilan ijro etishga qodir hamda Bluetooth 5.2 bilan jihozlangan. Ovoz sifatiga to‘qqiz millimetrli drayverlar javob beradi. Shuningdek, naushniklar shovqin so‘ndirish tizimiga ega bo‘lgan va IPX4 standarti bo‘yicha namlikdan himoyalangan.
Naushniklar keysi Redmi AirDots 3 ga nisbatan kattalashgan, biroq simsiz quvvatlanish funksiyasiga ega bo‘lgan. Ishlab chiqaruvchi bir marta quvvatlanish orqali 28 soat musiqa tinglash mumkinligini va’da qilmoqda. Naushniklarning oq va qora rangdagi versiyalari Xitoyda 47 dollardan sotuvga chiqadi.
Redmi Note 10 Pro
Yangi model 2400x1080 piksel, 120 gertsli yangilanish chastotasiga ega 6,6 dyuymli IPS ekranga ega bo‘lgan, Corning Gorilla Glass Victus shishasi bilan himoyalangan. Smartfondagi kameralar soni to‘rtta: 64 megapikselli asosiy, 8 megapikselli keng burchak, 2 megapikselli makro va 16 megapikselli frontal.
Apparat ichiga 5G aloqa tarmog‘ini qo‘llab-quvvatlovchi MediaTek Dimensity 1100 protsessori, 6/8 gigabayt tezkor hamda 128/256 gigabayt ichki xotira o‘rnatilgan. Akkumulyator sig‘imi 5000 mA/soat bo‘lib, 67 vattli tezkor quvvatlanish funksiyasiga ega.
Redmi Note 10 Pro’ning rasmiy narxi:
- 6/128 gigabayt — 234 dollar;
- 8/128 gigabayt — 281 dollar;
- 8/256 gigabayt —312 dollar.
Izoh (0)