Qashqadaryo viloyati Chiroqchi tumanidagi avtomobil yo‘li bo‘ylab harakatlanayotgan Nexia’ning gaz balloni portlab ketdi, deb xabar beradi FVV matbuot xizmati.
Ma’lum qilinishicha, 22-may kuni soat 06:00 da tumanning “Navoiy” MFY hududidan o‘tuvchi 4P-84 Yakkabog‘—Chiroqchi avtomobil yo‘lining 29-kilometrida harakatlanib ketayotgan, Nexia avtomobiliga o‘rnatilgan gaz balloni yorilishi yuzaga kelgan.
Ko‘ngilsiz hodisa oqibatida avtomobil ichida bo‘lgan 2 nafar fuqaro voqea joyida vafot etgan hamda 1 nafar fuqaro tan jarohati bilan tuman shifoxonasiga yotqizilgan.
Ayni vaqtda, viloyat IIB, FVB, SSB va Prokuratura xodimlari tomonidan holat yuzasidan dastlabki tergovoldi surishtiruv ishlari olib borilmoqda.
Avvalroq Qashqadaryoda metan zapravkada turgan Nexia’ning gaz balloni portlashi oqibati bir kishi halok bo‘lgani, Sirdaryoda metan zapravkada turgan Damas’ning gaz balloni, Buxoroda ko‘chada harakatlanib ketayotgan “Jiguli”ning gaz balloni, Buxoroda Matiz’ning gaz balloni portlashi oqibatida mashinalarga zarar yetgani to‘g‘risida xabar berilgandi.
Izoh (0)