19-may kuni Farg‘ona viloyatining Uchko‘prik tumanidagi Katta Qo‘shtepa qishlog‘ida Damas va “T-28” traktori ishtirokida yo‘l-transport hodisasi sodir bo‘ldi, deb xabar beradi viloyat IIB axborot xizmati.
Ma’lum qilinishicha, X.A. ismli fuqaro boshqaruvida bo‘lgan Damas o‘zidan oldinda harakatlanayotgan “T-28” traktorining tirkamasi bilan to‘qnashib ketgan.
Avariya oqibatida Damas ichida bo‘lgan yo‘lovchilardan biri olingan tan jarohatlari oqibatida voqea joyida vafot etgan.
Holat yuzasidan Uchko‘prik tumani IIB Tergov bo‘limi tomonidan Jinoyat kodeksining 266-modda (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilgan, tergov harakatlari davom etmoqda.
Avvalroq Farg‘onada Nexia “KamAZ”ga urilishi oqibatida 2 kishi vafot etgani, Namanganda Nexia daraxtga urilishi oqibatida bir yo‘lovchi halok bo‘lgani, Chinozda Damas YPX inspektorining radar o‘rnatilgan Nexia’siga borib urilgani to‘g‘risida xabar berilgandi.
Izoh (0)