Bugun,

  • USD 11095.31
  • RUB 173.84
  • EUR 10772.44

Falastinning HAMAS tashkiloti o‘t o‘chishni to‘xtatib, Isroil bilan sulh tuzishi haqidagi OAVlar tarqatgan xabarlar — yolg‘on ekanini ma’lum qildi. Bu haqda HAMAS siyosiy byurosi a’zosi Izzat ar-Rishek o‘z Twitter’ida ma’lum qildi, deb yozadi “RBK”.

Foto: Reuters

Foto: Reuters

“Ba’zi dushman OAVning HAMAS o‘t ochishni to‘xtatishga rozi bo‘lgani haqidagi xabarlari — haqiqat emas. Hech qanday kelishuvga erishilgani yoki o‘t ochishni to‘xtatishning muayyan muddatlari belgilangani yo‘q”, — deb yozdi ar-Rishek.

HAMAS o‘t ochishni to‘xtatmoqchi ekani haqida 12-may kuni Isroilning The Times of Israel gazetasi yozgandi. Maqola mualliflarining qayd etishicha, tegishli bayonot tashkilot siyosiy idorasi raisi o‘rinbosari Muso Abu Marzuk tomonidan Rossiya tashqi ishlar vaziri o‘rinbosari Mixail Bogdanov bilan suhbat chog‘ida berilgan. Maqolaga esa quyidagicha sarlavha qo‘yilgan edi — “HAMAS vakili Rossiyaga ma’lum qildi: biz Isroilga nisbatan o‘t ochishni to‘xtatishga tayyormiz”.

Falastin—Isroil nizosining 2014-yildan buyon kuzatilgan eng kuchli avj olishi may oyida Isroil hukumatining Quddusda bir qator arab oilalarini ko‘chirib yuborish qaroridan keyin boshlandi. Bu noroziliklarni keltirib chiqardi hamda Quddusda arab namoyishchilar va Isroil politsiyasi o‘rtasidagi to‘qnashuvlarga sabab bo‘ldi.

Vaziyatga HAMAS aralashdi. Isroil uning politsiyani olib ketish haqidagi talablarini bajarmaganidan keyin guruh raketalar otishni boshladi. Bunga javoban Isroil G‘azo sektorini o‘qqa tutdi.

17-may holatiga, Isroil tomonidan o‘n kishi, Falastin tomonidan — 200 dan ortiq odam halok bo‘lgan.

15-may kuni HAMAS Isroil hukumati arab aholisini o‘z uylaridan ko‘chirib yuborish haqidagi qarorini bekor qilib, qo‘lga olingan namoyishchilarni ozod etsagina, o‘t ochishni to‘xtatishini ma’lum qildi.

Izoh
Asosiy yangiliklar
Sport
Bundesliga. “Bavariya” safarda g‘alaba qozondi va Germaniya chempioniga aylandi, “Borussiya D” o‘z maydonida “Mayns”ni yenga olmadi 
Dunyo
Yuk mashinasidan chiqqan natsistlar bayrog‘i, Buddaning tug‘ilgan kuniga atalgan ajdaho, model bo‘lgan chixuaxua — hafta suratlari
Mahalliy
Qamchiq dovonida tormozi ishlamay qolgan yuk mashinasi YTH sodir qildi