Yakunlangan xatmona, o‘zbek choponidagi Ronaldu, baxshining qo‘shig‘ini tinglayotgan Ramatov. Hafta suratlari
Yerning turli nuqtalarida hafta davomida olingan qiziqarli suratlarni taqdim etamiz.
Meksikaning Gerrero shtatidagi Alkozauka shahrida ayollar va bolalar pinyata to‘qimoqda.Foto: Reuters
Dehqonobodga toza ichimlik suvi keltirilishiga bag‘ishlangan marosimda bosh vazir o‘rinbosari Ochilboy Ramatov xalq baxshisi Qahhor baxshi Rahimov kuylayotgan qo‘shiqni tinglamoqda.Foto: “Daryo” / Otabek Qo‘ldoshev
Moskvadagi G‘alaba kuni paradining umumiy mashg‘ulotlari.Foto: EPA
Islandiyada 24 yoshli Sol Ros Xlinsdottir va 28 yoshli Jon Hallur Unnarsson o‘zlarining unashtiruv marosimini faol vulqon oldida nishonladi.Foto: Reuters
Kaliforniyaning San-Diyego shahridagi beysbol uchrashuvida to‘p uloqtirayotgan sportchi.Foto: AP Photo
Pekinda panda kostyumidagi odam velosiped minishga harakat qilmoqda.Foto: AP Photo
O‘zbekiston Superligasi doirasida “Andijon” jamoasini qo‘llab-quvvatlayotgan muxlislar.Foto: Chempion TV
Nyu-Dehlidagi krematoriyda COVID-19’dan vafot etgan erini yondirish vaqtida yig‘layotgan ayol.Foto: Reuters
Haydaroboddagi “Makka” masjidida Ramazon hayiti oldidan muqaddas oyning so‘nggi jumasida Jummat-ul-Vida namozini o‘qiyotgan bola orqasiga o‘girilib qarayapti.Foto: AFP
Rio-de-Janeyro politsiyasi 6-may kuni Jakarezinyu hududida giyohvand moddalar savdosi bilan shug‘ullanuvchi to‘daga qarshi maxsus operatsiya o‘tkazdi. Operatsiya mobaynida kelib chiqqan otishmada bir nafar politsiyachi va 24 gumonlanuvchi halok bo‘ldi.Foto: Reuters
Hindistonning Gauhati chekkasidagi Pobitora qo‘riqxonasida baliq ovlayotgan hind marabusi.Foto: AP Photo
Andijon viloyati Marhamat tumanidagi 1990-yilda ishga tushgan “Al Buxoriy” jome masjidida Qur’on xatmi yakunlangandan so‘ng imom bilan so‘rashayotgan musulmonlar.Foto: “Daryo” / Musulmonbek Ibrohimov
Tbilisida koronavirus tarqalishi sabab jamoat transporti to‘xtatilganidan keyin shahar avtovokzalida to‘planib turgan avtobuslar.Foto: AFP
Livanning Sidon shahrida O‘rta dengizga sakrayotgan yosh yigit.Foto: AP Photo
O‘zbekistonlik sobiq MMA jangchisi, hozirda BAAda istiqomat qilayotgan Umid Mavlonov o‘zining Instagram sahifasida Krishtianu Ronaldu bilan birga tushgan navbatdagi suratni namoyish qildi. Unda portugaliyalik futbolchi o‘zbek choponi kiyib olganini ko‘rish mumkin. “Yangi O‘zbekistonda qo‘lda tikilgan chopon”, — deyiladi izohda.Foto: Instagram / @landan3
Berlindagi suv havzasida yurgan qashqaldoq polaponlari.Foto: Getty Images
Avstraliyadagi ot poygalari.Foto: Getty Images
Chaqmoq urayotgan Bangkok shahridagi binolar.Foto: AFP
Mexiko shahrida mahalliy vaqt bilan 3-may kuni 22:30 da 12-metro liniyasi ko‘prigi poyezd o‘tib ketayotgan paytda qulab tushgan. Hodisaga metro ko‘prigi ustunlaridan biriga avtomobil kelib urilishi sabab bo‘lgan. Ko‘prik qulashi oqibatida kamida 27 kishi halok bo‘lgani aytilmoqda.Foto: Reuters
Hindistonning Navi-Mumbay shahridagi botqoqli yerlarda to‘plangan flamingolar.Foto: Getty Images
Falastinlik ayol G‘azo shahrining “Al-Daraj” mahallasidagi rangli zinapoyadan tushib kelyapti.Foto: AFP
Quddusdagi xristianlarning Muqaddas qabr cherkovida diniy marosim bo‘lib o‘tmoqda. Xristianlar ushbu joyda Iso alayhissalom dafn qilingan va 3-kun tirilgan deb ishonishadi.Foto: AP Photo
Donetsk yaqinida xandaqda turgan ukrain askari tepadan o‘tayotgan vertolyotga ishora qilmoqda.Foto: AP
Avstraliyaning Yangi Janubiy Uels qirg‘og‘idagi syorfingchilar.Foto: EPA
Germaniyaning Frankfurt shahri atrofida tong otyapti.Foto: AP Photo
Los-Anjelesda “Yulduzlar jangi” (Star wars) filmi kunida restoranga tashrif buyurganlar.Foto: AP Photo
Xitoyning Shijiazhuang shahri yaqinidagi o‘rmonda in qurish uchun has olib kelayotgan kulrang sayg‘oq.Foto: Getty Images
Marokashning Atlas tog‘laridagi markaziy Tinghir viloyatidagi Kelaat Mguna shahridagi uyning tashqarisida gul barglarini saralayotgan ishchi ayol.Foto: AFP
chalingan hokim kasallikdan tuzalib, ish faoliyatini davom ettirmoqda." data-action="zoom" class="border lazyload" />
Izoh (0)