Qashqadaryoda 9-may — Xotira va qadrlash kuni munosabati bilan Mudofaa vazirligi Janubi-g‘arbiy maxsus harbiy okrugi qo‘shinlariga qarashli harbiy qismlarga 116 dona “Kamaz” 4326 va “Kamaz” 43118 rusumli zamonaviy, notekis yo‘llardan yura oladigan harbiy avtomobillar topshirildi. Bu haqda tadbirda qatnashgan “Daryo” muxbiri xabar berdi.
Ta’kidlanishicha, tadbirda Mudofaa vazirining qurollanish va qurollantirish bo‘yicha o‘rinbosari polkovnik Alisher Norboyev, Zoir Mirzayev boshchiligidagi sektor rahbarlari, Janubi-g‘arbiy maxsus harbiy okrugi qo‘shinlari qo‘mondoni, polkovnik Zaynobiddin Eminov, harbiy xizmatchilar, yoshlar, jamoatchilik vakillari qatnashgan.
Qarshi shahridagi “Mustaqillik” maydonida 9-may — “Xotira va qadrlash kuni” bayrami munosabati bilan Ikkinchi jahon urushidagi vaziyatlarni aks ettiruvchi ko‘rgazmalar tashkil qilingan.
Eslatib o‘tamiz, avvalroq Qashqadaryo hokimi Zoir Mirzayev koronavirusdan sog‘ayib, o‘z ishiga qaytgani xabar berilgandi.
Izoh (0)