Farg‘ona viloyatining Oltiariq tumanida to‘qqiz yoshli qizaloq yo‘l-transport hodisasi natijasida vafot etdi, deb xabar berdi viloyat IIB matbuot xizmati.
Hodisa 27-aprel kuni soat 16:30 atrofida Tinchlikobod ko‘chasida sodir bo‘lgan. Damas avtomashinasi haydovchisi yo‘lni belgilanmagan joyidan kesib o‘tayotgan voyaga yetmagan B.M. ismli qizni urib yuborgan. Qiz kasalxonada olgan jarohatlari tufayli vafot etgan.
Ushbu fakt bo‘yicha Oltiariq viloyati IIB huzuridagi Tergov boshqarmasi tomonidan Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish qoidalarini buzish) bilan jinoyat ishi qo‘zg‘atildi. Hozirda tergov harakatlari olib borilmoqda.
Bundan avval Farg‘onada ikki Damas to‘qnashuvi oqibatida haydovchilardan biri vafot etgani, Farg‘onada Nexia va elektroskuter to‘qnashishi oqibatida voyaga yetmagan yo‘lovchi halok bo‘lgani hamda Namanganda yuk mashina bosib ketishi oqibatida 2 yoshli bola vafot etgani haqida xabar berilgandi.
Izoh (0)