Avstraliyada Konsi Marshall va Leyla Mog ismli egizak opa-singillar o‘zlarining 102 yoshga to‘lganini nishonladi. Qariyalar uzoq umr ko‘rish borasidagi sirlarini Daily Mail nashriga oshkor qilgan.
Ayollarning so‘zlariga ko‘ra, ular alkogoldan, xususan, viski va oq vinodan to‘liq voz kechgan. Shuningdek, har kuni suv ichishadi. “Yoshimiz 82 yoki 84 da”, — deya hazillashadi keksalar.
Ta’kidlanishicha, Marshall va Mog hozirda o‘zlari 1919-yilda dunyoga kelgan Berri shahridagi qariyalar uyida yashab keladi.
Egizaklar 102 yoshga to‘lganini ulkan pushti tort va gullar bilan yaqinlari davrasida nishonladi. Tug‘ilgan kun egalari bir xil rangdagi kiyimda bo‘lgan.
Ma’lum qilinishicha, opa-singillar umri davomida bir-biridan umuman uzoqlashmagan. Ularning otasi esa 104 yoshgacha umr ko‘rgan.
Avvalroq ekvadorlik er-xotin dunyodagi eng keksa juftlik sifatida Ginnesning rekordlar kitobiga kiritilgan edi.
Mavzuga doir: Rossiyadagi eng keksa haydovchi aniqlandi. U 100 yoshga kirgan va hamon mashina boshqaradi
Izoh (0)